Қазақстан Республикасы Ғылым және жоғары білім министрлігі Ғылым және жоғары білім саласындағы сапаны қамтамасыз ету комитеті төрағасының 2026 жылғы 16 маусымдағы № 465 бұйрығымен Исаева Асем Бақытжанқызына 10300 – «Химия ғылымдары» ғылыми бағыты бойынша қауымдастырылған профессор ғылыми атағы берілді.
Асем Бақытжанқызы жетекші ғылыми қызметкер, 2024–2026 жылдарға арналған КМУ AP22785889 гранттық қаржыландыру ғылыми жобасының жетекшісі, сондай-ақ 2025–2027 жылдарға арналған АР261100197 гранттық қаржыландыру жобасының жауапты орындаушысы болып табылады. Оның ғылыми қызметі химия ғылымының өзекті бағыттарын, коллоидтық химияны, нанотехнологияларды, экологиялық және тағам қауіпсіздігін дамытуға бағытталған.
Бұл маңызды жетістік — көпжылдық ғылыми-зерттеу және педагогикалық еңбектің, жоғары кәсіби біліктіліктің, белсенді жарияланымдық жұмыстың және химия ғылымының дамуына қосқан елеулі үлестің нәтижесі.
Ұжым Асем Бақытжанқызын лайықты ғылыми мойындалуымен шын жүректен құттықтап, ғылым мен білім саласындағы қызметіне табыс, жаңа ғылыми жетістіктер, шығармашылық шабыт және Қазақстан Республикасының ғылымы мен білімі игілігі жолындағы жемісті еңбек тілейді!
